Carita Pondok Nu Ngulutrak Tengah peuting
Carpon Nu Ngulutrak Tengah peuting Ku Yati Nurhayati Sumber : Tribun jabar Mei 2014 / yatinurhayati.com Panto ngulutrak tengah peuting, pasti apa karek datang. Meh Unggal poe apa datang tengah peuting bari kaayaan bau alkohol. Sainget kuring apa tara boga pagawean nu netep, ceuk apa mah bisnis ngan duka teuing bisnis naon da can pernah untung. Nu puguh mah pagawean apa teh ngan ukur namprak ka pamajikan. Sapopoe apa ngurus motor kameumeutna nu geus kolot. Di usap dielap nepika herang mencrang. Isuk- isuk mun can aya cikopi can waka cengkat tina kasur, sakapeung kuring sok keuheul kana kalakuan bapa, komo lamun geus sagala di alungkeun, gelas jeung piring ngararapung mun keur ambek ka pamajikan. Kuring jeung ifan lanceuk kuring geus teu aneh lalajo bapa nyiksa nu jadi indung. Sok nyarempod we dijuru bak...